Жеке тұрғын үй қорынан жалға алынған тұрғын үйдің жалдау ақысының бір бөлігін субсидиялау Қазақстан Республикасының тұрғын үйге мұқтаж ретінде Бірыңғай республикалық электрондық базада немесе «Тұрғын үймен қамтамасыз ету орталығы» базасында есепте тұрған азаматтарына беріледі.

Субсидия алуға құқығы бар:
– I және II топтағы мүгедектігі бар адамдар;
– мүгедектігі бар балаларды тәрбиелеп отырған отбасылар;
– 29 жасқа дейінгі жетім балалар және ата-анасының қамқорлығынсыз қалған балалар (кәмелетке толғанға дейін ата-анасынан айырылғандар);
– мемлекеттік наградалармен марапатталған көпбалалы аналар;
– көпбалалы отбасылар.

Жалдау ақысының бір бөлігін субсидиялау отбасының соңғы 6 айдағы орташа жиынтық табысы әрбір отбасы мүшесіне шаққанда бір күнкөріс минимумынан аспаған жағдайда беріледі.

Күнкөріс минимумы мөлшері тиісті жылға арналған республикалық бюджет туралы заңмен белгіленеді.

2026 жылы күнкөріс минимумы 50 851 теңгені құрайды.

Бұл отбасының жалпы айлық табысы мына мөлшерден аспауы тиіс дегенді білдіреді:
– 1 адам — 50 851 теңгеге дейін
– 2 адам — 101 702 теңгеге дейін
– 3 адам — 152 553 теңгеге дейін
– 4 адам — 203 404 теңгеге дейін
– 5 адам — 254 255 теңгеге дейін
– 6 адам — 305 106 теңгеге дейін

Отбасының жиынтық табысын есептеу кезінде соңғы 6 айда Қазақстан Республикасының аумағында алынған табыстар ескеріледі.

Есепке мыналар енгізіледі:
– еңбек қызметінен алынатын табыстар — жалақының барлық түрлері (кесімді, мерзімді), сыйақылар, қосымша төлемдер, үстемақылар, ынталандырушы және өтемақы төлемдері (ақшалай түрде);
– еңбек заңнамасында, еңбек немесе ұжымдық шартта көзделген төлемдер;
– кәсіпкерлік қызметтен алынатын табыстар.

Субсидия тағайындау кезінде есепке мыналар енгізілмейді:
– әлеуметтік төлемдер;
– мүгедектігі бар балаларға күтім жасайтын адамдар алатын зейнетақы төлемдері;
– жетім балалар мен ата-анасының қамқорлығынсыз қалған балалар алатын мемлекеттік стипендиялар.

Субсидия алу үшін жалға алынатын тұрғын үйдің ауданы ескеріледі.

Рұқсат етілетін тұрғын үй ауданы отбасы мүшелерінің санына байланысты:
– 1–3 адам — 40 шаршы метрден аспайды;
– 4–5 адам — 60 шаршы метрден аспайды;
– 6 және одан көп адам — 80 шаршы метрден аспайды.

Субсидия келесі жағдайларда берілмейді, егер тұрғын үй:
– жақын туыстардан жалға алынған болса;
– жұбайынан, оның ішінде бұрынғы жұбайынан жалға алынған болса;
– жұбайының (зайыбының) жақын туыстарынан жалға алынған болса.

Субсидия алу үшін өтініш Отбасы банкінің сайтындағы жеке кабинет арқылы беріледі.
Өтініш беру үшін:
– жеке кабинетке авторизациядан өту;
– электрондық өтінішті толтыру;
– деректерді электрондық цифрлық қолтаңба (ЭЦҚ) арқылы растау қажет.