«Отау» бағдарламасы — Қазақстан Республикасының азаматтары мен қандастарға Отбасы банк жүйесі арқылы тұрғын үйді жеңілдетілген шарттармен сатып алуға қолдау көрсетуге бағытталған мемлекеттік жеңілдетілген ипотека.

Пайыздық мөлшерлеме:
– жылдық 7% (ЖТСМ 7,3%-дан 8,9%-ға дейін) — әлеуметтік осал санаттағы кезекте тұрған азаматтар үшін;
– жылдық 9% (ЖТСМ 9,3%-дан 11,8%-ға дейін) — басқа қарыз алушылар үшін.

Қарыз сомасының 50%-ы жинақталғаннан кейін мөлшерлеме жылдық 3,5%-дан 5%-ға дейін төмендетілуі мүмкін.

– қарыз сомасының кемінде 20%-ы.

– 36 млн теңгеге дейін — Астана және Алматы қалалары үшін;
– 30 млн теңгеге дейін — Қазақстан Республикасының басқа өңірлері үшін.

– 19 жылға дейін.

– тұрғын үй сатып алу;
– бір қарыз шеңберінде тұрғын үйді сатып алу және жөндеу.

Бағдарламаға қатысу үшін Отбасы банкінде депозит болуы қажет:
– жинақтың ең төменгі сомасы — 1 млн теңге;
– депозиттің ашылған мерзімі маңызды емес (өтініш берер алдында бүкіл соманы салуға болады);
– депозитте тұтқындау, инкассолық өкімдер және төлем талаптары болмауы тиіс;
– басқа тұрғын үй бағдарламаларына қатысу (мысалы, «Кейін сатып алу құқығымен жалға алу») «Отау» бағдарламасына қатысуға мүмкіндік бермейді.

Бағдарламаға қатысушы бола алады:
– Қазақстан Республикасының азаматы немесе қандас;
– жасы — өтініш берген кезде 18-ден 63 жасқа дейін (қоса алғанда);
– соңғы 6 айда ресми табыстың болуы (еңбек қызметінен, кәсіпкерліктен, шарттар бойынша, жәрдемақылардан, стипендиялардан және т.б. алынған табыстар);
– қатысушыда және оның отбасы мүшелерінде соңғы 5 жыл ішінде меншік құқығындағы тұрғын үйдің және оған қатысты мәмілелердің болмауы;
– бір адам немесе бір отбасы бағдарламаны тек бір рет пайдалана алады;
– бағдарламаға жұбайлардың тек біреуі ғана қатыса алады.

Қатысушылар балдық жүйе бойынша іріктеледі.
Баллдар келесі критерийлер бойынша беріледі:
– тіркелген некенің болуы — 5 балл;
– әлеуметтік осал топ мәртебесінің болуы — 10 балл;
– 18 жасқа дейінгі балалардың болуы — 10 балл;
– жасы 35 жасқа дейін (қоса алғанда) — 5 балл;
– тұрғын үй құрылыс жинақтары депозиті бойынша сыйақы мөлшері — әрбір 1 000 теңге үшін 1 балл.

«Отау» бағдарламасы шеңберінде мыналарды сатып алуға болады:
– пайдалануға берілген бастапқы тұрғын үй;
– тұрғын үй құрылысына үлестік қатысу шарты (ТҮҮҚШ) бойынша салынып жатқан тұрғын үй (Тұрғын үй құрылысының бірыңғай операторының кепілдігімен);
– моноқалаларда, ірі ауылдық елді мекендерде және аудан орталықтарында орналасқан қайталама тұрғын үй (Астана, Алматы және облыс орталықтарын қоспағанда).